Нууцлалын бодлого

Сүүлд шинэчлэгдсэн: 2026 оны 10-р сарын 2

Ай Ди Эм Эс Тауэр ХХК (IDMS Tower LLC, «бид», «манай») нь таны хувийн мэдээллийг хүндэтгэн хамгаалдаг. Энэхүү бодлого нь idms.mn вэбсайт, төсөл тооцоологч, AI туслах болон бидний үйлчилгээг ашиглах үед ямар мэдээлэл цуглуулж, хэрхэн ашиглаж, хамгаалдгийг тайлбарлана. Бид Монгол Улсын Хүний хувийн мэдээлэл хамгаалах тухай хуулийг баримтална.

01Бидний цуглуулах мэдээлэл

Та өөрөө өгсөн мэдээлэл:

• Нэр, утасны дугаар (төсөл тооцоологч болон холбоо барих формоор)
• Компанийн нэр, и-мэйл хаяг (заавал биш)
• Төслийн тухай мэдээлэл: сонгосон сайтын төрөл, давхрагууд, таны бичсэн тайлбар
• AI туслахтай харилцсан мессеж

Автоматаар цуглуулагдах мэдээлэл:

• IP хаяг, хөтөч болон төхөөрөмжийн төрөл
• Хандсан хуудас, огноо, цаг

Бид банкны карт, нууц үг зэрэг төлбөрийн мэдээллийг idms.mn дээр цуглуулдаггүй.

02Мэдээллийг ашиглах зорилго

• Таны хүсэлтэд хариулж, үнийн санал бэлтгэх, тантай холбогдох
• Гэрээ байгуулж, төслийг гүйцэтгэх
• Вэбсайт, үйлчилгээний чанарыг сайжруулах
• Хууль тогтоомжоор хүлээсэн үүргээ биелүүлэх

Бид таны мэдээллийг худалдахгүй, зар сурталчилгааны зорилгоор гуравдагч этгээдэд дамжуулахгүй.

03AI туслах

idms.mn дээрх AI туслах нь таны асуултад хариулж, тантай холбогдох мэдээлэл авахад тусалдаг. Мессежийг боловсруулахын тулд гуравдагч талын AI үйлчилгээ үзүүлэгч рүү дамжуулна. Чатанд банкны карт, нууц үг зэрэг эмзэг мэдээлэл бүү бичээрэй. Хэрэв та нэр, утсаа үлдээвэл бидний ажилтан тантай холбогдоно.

04Cookie ба браузерийн санах ой

Вэбсайт зөв ажиллахад шаардлагатай бага хэмжээний техникийн мэдээллийг таны хөтөчид хадгалж болно. Та хөтчийнхөө тохиргоогоор cookie-г устгах, хаах боломжтой.

05Гуравдагч талтай хуваалцах

Үйлчилгээ үзүүлэхэд шаардлагатай хэмжээнд л дараах түнштэй мэдээлэл дамжина:

• Хостинг, сервер ба мэдэгдлийн үйлчилгээ үзүүлэгчид
• AI үйлчилгээ үзүүлэгч (AI туслахын мессеж)
• Хуулиар шаардсан тохиолдолд эрх бүхий байгууллага

06Хадгалах хугацаа

Хүсэлт, харилцааны мэдээллийг таны асуудлыг шийдэж дуустал, гэрээ байгуулсан бол гэрээний хугацаа болон хуульд заасан хугацаанд хадгална. Шаардлагагүй болсон мэдээллийг устгана.

07Мэдээллийн аюулгүй байдал

Сайт бүхэлдээ SSL (HTTPS) шифрлэлтээр ажилладаг. Мэдээлэлд зөвхөн эрх бүхий ажилтан хандана. Интернэтээр дамжих мэдээллийг 100% аюулгүй гэж баталж чадахгүй ч бид боломжит бүх арга хэмжээг авдаг.

08Таны эрх

• Өөрийн тухай бидэнд байгаа мэдээллийг авах, үзэх
• Буруу мэдээллийг засуулах
• Мэдээллээ устгуулах
• Өгсөн зөвшөөрлөө цуцлах

Хүсэлтээ info@idms.mn хаягаар илгээвэл ажлын 5 хоногт хариулна.

09Бидний хийсэн харилцагчийн сайтууд

10Өөрчлөлт ба холбоо барих

Энэхүү бодлогыг шаардлагатай үед шинэчилж, энэ хуудсанд огноог нь тэмдэглэнэ.

📞 9999-9520 · ✉ info@idms.mn · 📍 Хан-Уул дүүрэг, 17-р хороо, King Tower хотхон, Улаанбаатар